პრეზიდენტის სიძის, მინდია გოგოჭურისა და მისი მეგობრის, მიხეილ თათარაშვილის სიცოცხლეს საფრთხე არ ემუქრება.
როგორც მათმა მკურნალმა ექიმმა ნიკოლოზ კვაჭაძემ ჟურნალისტებს რესპუბლიკურ საავადმყოფოში განუცხადა, პაციენტების ჯანმრთელობის მდგომარეობა სტაბილურია და ორივე მათგანი პალატაშია გადაყვანილი. ამასთან, ნიკოლოზ კვაჭაძის თქმით, იმის შესახებ ინფორმაციას, თუ რა
Advertisement
You must have
Flash Player installed in order to see this player.
მდგომარეობაში შეიყვანეს პაციენტები სამედიცინო დაწესებულებაში, ოჯახის ნებართვის გარეშე ვერ გასცემს.
რაც შეეხება კითხვას, იმყოფებოდნენ თუ არა მინდია გოგოჭურთან სამართალდამცავები, ექიმის ინფორმაციით, სამართალდამცავები ამ დრომდე არ ყოფილან, თუმცა "გოგოჭური და მისი მეგობარი სიტუაციიდან გამომდინარე, ადეკვატურები არიან და მათი დაკითხვა ოჯახის, ახლობლების ნებართვით შესაძლებელია".
წუხელ, ბალანჩივაძის ქუჩაზე, პრეზიდენტის სიძე და მისი მეგობარი დაჭრეს. ამის შესახებ Ambebi.ge-ს მინდია გოგოჭურის ახლობელმა განუცხადა. ორივე დაშავებული რესპუბლიკურ საავადმყოფოშია მოთავსებული.
გამოძიება სისხლის სამართლის კოდექსის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.